Sumqayıtlı gənc skripkaçı Qazaxıstan Respublikasında keçirilən “Fantasia” beynəlxalq müsabiqədə Qran Pri mükafatına layiq görülüb. Bu haqda bu gün, 8 fevral tarixində Sumqayıt Regional Mədəniyyət İdarəsi məlumat yayıb.
Fevralın 7-də onlayn formatda keçirilən 1-ci Beynəlxalq klassik musiqi müsabiqəsində Nuray Məmmədova diplom ilə təltif edilib. O, S.Rüstəmov adına 3 nömrəli uşaq incəsənət məktəbinin 3-cü sinif şagirdidir.
Münsiflər heyəti tərəfindən Nurayın müəllimi Violetta Həsənəlizadə və müsabiqənin konsertmeysteri Təranə İsmayılova təşəkkürnamə ilə təltif olunublar.
