Sumqayıtlı gənclər qeyri-adi bloq açıblar.
Sumqayit24.az xəbər verir ki, Azərbaycanın ilk youtuberlərindən hesab olunan Nurlan Hasansoy və Asif Əliyev bölgələrə səyahət edərək, orada baş verən paranormal hadisələri araşdırmağa başlayıblar. İlk dayanacaqları isə qədim tarixi və sirli hekayələri ilə seçilən Şamaxı şəhəri olub.
Qeyd edək ki, onların 8 il əvvəl çəkdikləri "küçədə üşüyən uşağa reaksiya” adlı videosu böyük rezonans doğurub və 9 milyon izlənmə toplayıb.
Bir müddətlik fasilədən sonra onlar yenidən sosial mediaya qayıdıblar. Bu dəfə isə komandalarına yeni üzv – Elbrus Şirinov da qoşulub. Onlar birlikdə ölkənin müxtəlif bölgələrində yayılan paranormal hadisələri araşdıraraq izləyicilərə real və həyəcanlı görüntülər təqdim etməyi hədəfləyirlər.
