Sumqayıtda “İxtisas Bələdçisi” mövzusunda seminar keçirilib. Sumqayıt24 bu haqda 3 avqust tarixində sosial şəbəkələrə istinadən xəbər verir.
Gənclərə özünü tanıma və özünüinkişafın əhəmiyyəti, dəyər, maraq, bacarıq və istedadların müəyyən olunmasının yolları izah edilib. Həmçinin gələcəyin peşələri, ixtisas üzrə ölkədə və xaricdə təhsil haqqında məlumat verilib. Görüş "Universiteti nəyə əsasən seçməli?", "Düzgün kodlaşdırma qaydaları", "Prosesin psixoloji aspektləri", "Əsas ixtisaslar və onların gələcək perspektivləri", "VİSA nədir?" mövzularını əhatə edib.
Layihə Dövlət Məşğulluq Agentliyi, Azərbaycan Gənc Müəllimlər Assosiasiyası, Gənclərin İnkişaf və Karyera Mərkəzi tərəfindən təşkil olunub.
