Sumqayıt Dövlət Universitetinin nəzdində Sumqayıt Dövlət Texniki Kollecinin (SDTK) təşkilatçılığı ilə "SmarTech I" – Yaşıl və Ağıllı Gələcək naminə İnnovasiya Müsabiqəsi keçiriləcək.
Təhsil ocağından Sumqayit24.az-a verilən məlumata görə, müsabiqənin məqsədi tələbə və şagirdlərin innovasiya, texnologiya və davamlı inkişaf sahəsində potensialını artırmaq, ekoloji problemlərin həllinə yönəlmiş yeni texnoloji həllər və prototiplərin hazırlanmasını təşviq etməkdir.
Müsabiqədə universitetlərin bakalavr pilləsində təhsil alan tələbələri, kollec tələbələri və 10–11-ci sinif şagirdləri iştirak edə bilərlər. Hər komanda minimum 2, maksimum 4 nəfərdən ibarət olmalıdır.
Qeydiyyat və layihələrin qəbulu 30 avqust 2026-cı il tarixinədək davam edəcək. Müraciətlər SDTK-nın rəsmi internet səhifəsi (https://sdu-sdtk.edu.az/) və ya https://forms.gle/m5sbuAHjYLEdyDJc6 linki vasitəsilə qəbul olunur.
Müsabiqə aşağıdakı kateqoriyalar üzrə keçiriləcək:
- İnklüziv və sosial innovasiyalar;
- Rəqəmsal həllər və robotexnika;
- Alternativ enerji və "Təmiz dünya".
Komandalar münsiflər tərəfindən qiymətləndirildikdən sonra final mərhələsində iştirak hüququ qazancaqlar. Final mərhələsi 10 sentyabr 2026-cı il saat 11:00-da Sumqayıt Dövlət Texniki Kollecində təşkil olunacaq. Seçilən layihələr sərgilənəcək, qiymətləndiriləcək və qaliblər müəyyən ediləcək.
Qaliblər aşağıdakı qaydada mükafatlandırılacaqlar:
- I yer – 500 AZN, medal və sertifikat;
- II yer – 300 AZN, medal və sertifikat;
- III yer – 200 AZN, medal və sertifikat.
Əlavə məlumat üçün: 018 (65) 5-00-64, [email protected].
