Sumqayıtlı məktəblilər üçün Soyqırım Memorial Kompleksinə “Tarixə səyahət” adı altında ekskursiya təşkil olunub. Bu haqda bu gün, 29 mart tarixində Heydər Əliyev Mərkəzi Facebook hesabında məlumat yayıb.
Məlumata əsasən, ekskursiya S. Vurğun adına Mərkəzi Kitabxananın uşaq şöbəsi və Heydər Əliyev Mərkəzinin birgə təşkilatçılığı ilə 31 mart Azərbaycanlıların Soyqırımı Günü ilə əlaqədar təşkil edilib. Burada, ziyarətçilər xatirə kitabına ürək sözlərini yazıblar.
Quba Soyqırımı Memorial Kompleksi 2013-cü ildə açılıb. Kompleksdə XX əsrin əvvəllərində Quba şəhərinin müxtəlif ərazilərinin görüntüləri, o zaman burada aparılan tikinti-quruculuq işləri, əhalinin həyat tərzi haqqında fotolar əks olunub.
