Əməkdar artist Dilarə Əliyeva mərhum dostu Cabir İmanovun son illər efirə çıxmamasının səbəbini açıqlayıb.
Bu barədə sumqayıtlı məşhur Astar TV-də danışıb. D.Əliyeva deyib ki, Cabiri verilişinə çağırsa da, o, gəlməyib:
“Onu verilişlərimə dəvət edirdim. Amma gəlmək istəmirdi. Deyirdi ki, bu dönəmdə ekrana çıxmaq istəmir. Elə bir məqamdır ki, gəlirsən, deyib-gülürsən, zarafat edirsən, anlayan-anlamayan var. Paylaşırlar, şərh yazırlar, özümü onlara yem etmək istəmirəm.
Özümü onların münasibətində görmək istəmirəm. Adam o qədər haqlı idi ki. Çünki söhbəti kontekstdən çıxaranlar özlərinə xal toplayırlar. Bu baxımdan ona haqq verirdim, fikirlərinə də hörmətlə yanaşırdım”.
