Milli Məclisin Mədəniyyət Komitəsinin sədri Qənirə Paşayeva sumqayıtlı sənətkarlarla görüşüb. Sumqayıt24 bu haqda bu gün, 23 aprel tarixində sədrin rəsmi Facebook səhifəsinə istinadən xəbər verir.
Burada Sumqayıtdan olan rəssamlar - İntiqam Ağayev, Namiq Cavad, Rəhim Həşimov, Aydın Əsgərov və İqbal Həsənəlizadə iştirak ediblər. Onlarla geniş fikir mübadiləsi aparılıb.
Qənirə Paşayeva rəssamların problemləri, onların həlli yolu haqda danışıb. Eyni zamanda mədəniyyətimizin inkişafı barədə düşüncələrini bölüşüb.
Görüşün sonunda sənətkarlara xatirə hədiyyələri təqdim olunub.
