Sumqayıt şəhər 2 nömrəli tam orta ümumtəhsil məktəbinin şagirdi Qurbanlı Səbinə, Global Olimpiad Center tərəfindən təşkil olunan HIPPO – Sərhədsiz İngilis dili Olimpiadasında böyük uğura imza atıb.
Sumqayit24.az xəbər verir ki, heç bir kurs və ya məşğələyə qatılmadan, 73 ölkədən 93 148 şagirdin iştirak etdiyi olimpiadada Səbinə regional final mərhələsini imtahansız keçərək birbaşa beynəlxalq finala vəsiqə qazanıb.
29 sentyabr – 2 oktyabr tarixlərində İtaliyanın Assisi şəhərində keçirilən final mərhələsində Azərbaycanı təmsil edən Səbinə Qurbanlı sertifikat və medal ilə təltif olunub.
