Sumqayıtlı məktəbli 2024-2025 tədris ilində bir cox uğurlar qazanıb.
Sumqayit24.az xəbər verir ki, istedadı və əzmkarlığı ilə seçilən Əli Rəhimli 23 nömrəli məktəbin 5-ci sinfində oxuyur. Uşaqlıqdan riyaziyyata olan marağı onu beynəlxalq olimpiadalarda iştirak etməyə sövq edib. O, TİMO riyaziyyat olimpiadasında (qizil), SASMO riyaziyyat olimpiadasında və STEMCO riyaziyyat yarışmasında qızıl medallar qazanıb.
Əli, həmçinin AİMO riyaziyyat olimpiadasında, KOPERNİK riyaziyyat olimpiadasında, Beyin olimpiada mərkəzinin təşkil etdiyi “Memory Math” riyaziyyat olimpiadasında və FİSO məntiq yarışmasında gümüş medallara layiq görülüb.
O, son olaraq mərkəzləşdirilmiş lisey və gimnaziyalara qəbul imtahanında 46.26 bal toplayaraq (maks 50) daha bir uğura imza atıb.
