Görkəmli Azərbaycan yazıçısı, şair, pedaqoq, nasir, filologiya elmləri doktoru, professor Zahid Xəlil Sumqayıt şəhərinin məktəblilərinin qonağı olub. Bu haqda bu gün, 21 fevral tarixində 3 nömrəli tam orta məktəb Facebook hesabında məlumat yayıb.
Məlumata əsasən, görüş 21 Fevral - Beynəlxalq Ana Dili Günü ərəfəsində keçirilib.
Zahid Xəlil uşaq ədəbiyyatının canlı əfsanəsi, Azərbaycan dili dərsliklərində bir çox hekayə və şeirlərin müəllifidir. Görüşün qonaqları tanınmış şairlər Rafiq Yusifoglu və İbrahim İlyaslı, Sumqayıt şəhər Təhsil Şöbəsinin metodisti Cəmilə Fayyaz, gənc şair Elvin Elizadə öz çıxışlarında Azərbaycan uşaq ədəbiyyatında Zahid Xəlilin misilsiz xidmətlərini vurğuladılar.
Görüş zamanı yazıçı şagirdlərə tövsiyələr və məsləhətlər verib, onları maraqlandıran sualları cavablandırıb.
