Sumqayıtın məktəblərində "Mina təhlükəsizliyinə qarşı maarifləndirmə" mövzusunda dərslər keçirilib. Maarifləndirmə işləri Təhsil Nazirliyinin əmrinə əsasən təşkil olunub.
Dərslər zamanı, şagirdlər mina və partlamamış hərbi sursatların (PHS) yarada biləcəyi təhlükə barədə məlumatlandırılıblar. Belə ki, adıçəkilən mövzu üzrə dərslər ümumi orta təhsil səviyyəsində tədris olunan "Həyat bilgisi" fənni, yuxarı siniflərdə isə "Çağırışaqədərki hazırlıq" fənni daxilində tədris edilir.
Dərslərin keçirilməsində məqsəd vətəndaşlara mina və PHS-lər olan yerləri tanımağı öyrətmək, eləcə də hər hansı bir hərəkəti etməzdən əvvəl düzgün qərar verməyi tövsiyə etməkdən ibarətdir.
