Fikrət Əmirov adına 5 nömrəli Uşaq Musiqi Məktəbi layiqincə təmsil olunub. Sumqayıt24 bu haqda 3 yanvar tarixinə Sumqayıt Regional Mədəniyyət İdarəsinə istinadən xəbər verir.
Qazaxıstanın Astana şəhərində “ART SENSATİON” müsabiqəsi keçirilib. Sözügedən məktəbin Fortepiano və Violin ixtisası üzrə təhsil alan şagirdləri də bu incəsənət yarışında iştirak ediblər. Belə ki, 3-cü sinif şagirdi Gülər Abdullazadə, 4-cü sinif şagirdi Lalə İsgəndərli, 1-ci sinif şagirdi Nəzrin Məmmədzadə, 6-cı sinif şagirdi Əkbər Eminov, 3-cü sinif şagirdi Ədilə Şükürova, 2-ci sinif şagirdi Səma Həsənova I yer, 6-cı sinif şagirdi Mehnaz Dünyamalıyeva və 4-cü sinif şagirdi Zəhra Həşimli isə II yerləri tutublar. Onlar diplomlara layiq görülüblər.
Uşaqların müəllimləri Samirə Abdullayeva, Sevda Nəsibova, Sevinc Şərifova, Kəmalə Mirzəliyeva, Xanım Babayeva, Cəmilə Quliyeva, Xatirə Məmmədova, Sədaqət Bağırova və konsertmeysterlər Könül Bəkirova, Günel Hüseynova isə Təşəkkürnamə ilə mükafatlandırılıblar.
