Sumqayıtın Tarixi Muzeyində “Zəfərə doğru” adlı tədbir keçirilib. Bu haqda bu gün, 29 aprel tarixində Regional Mədəniyyət İdarəsinə (RMİ) istinadən xəbər veririk.
Tədbirdə şəhid valideynləri və övladları, qazilər, muzeyin direktoru Aygün Zülfüqarlı, RMİ-nin rəisi Rəşad Əliyev, Gənclər və İdman Baş İdarəsinin rəisi Elgün Hümbətov, Milli qəhrəman Şükür Həmidovun atası Nəriman Həmidov, şəhid Abdulla Əhmədovun atası Hacı Əhməd Əhmədov və digər qonaqlar iştirak ediblər.
Görüş zamanı general M.Əsədov adına inteqrasiya təlimli internat tipli gimnaziya, 27 nömrəli məktəb, S.Rüstəmov adına İncəsənət məktəbinin şagirdləri tərəfindən hazırlanmış ədəbi-bədii kompozisiya təqdim olunub.
Sonda Vətən müharibəsinin sumqayıtlı şəhid və qazilərinin şəxsi əşyalarının yer aldığı sərgiyə baxış keçirilib.
