Sumqayıtda narazılığa səbəb olan tikinti işləri iri addımlarla irəliləyir.
Sumqayit24.az-a müraciət edən 14-cü məhəllə sakinləri bildiriblər ki, rəsmi qurumlara müraciət ünvanlansa da, məsələ media qurumları tərəfindən ictimailəşdirilsə də, sahibkar niyyətindən vaz keçməyib. Ərazi artıq hasarlanıb, burada bitən ağaclar isə kökündən çıxarılır.
Xatırladaq ki, inşa işləri "Sumqayıt" Mənzil-Tikinti Kooperativi (MTK) tərəfindən yaşayış binasına çox yaxın məsafədə aparılır. Bu tikili, uşaqların oynaması üçün ayrılan yerin zəbt edilməsinə, həmçinin evlərə düşən günəş işığının qarşısının alınmasına səbəb olacaq. Xüsusilə birinci mərtəbədə yaşayanlar çox çətinlik çəkəcək, çünkü yeni tikilən bina onların yaşadığı binadan hündür olacaq.
Sumqayıt Şəhər İcra Hakimiyyətindən isə bildirilmişdi ki, sözügedən əraziyə artıq baxış keçirilib və tikinti işlərinin aparılmadığı müəyyən olunub. Digər iddialar isə araşdırılacaq.
