Sumqayıt şəhəri Heydər Əliyev Mərkəzində şəhid Abdulla Əhmədovun ailəsi ilə görüş keçirilib. Sumqayıt24 bu haqda mərkəzin Facebook səhifəsinə istinadən xəbər verir.
Tədbirdə şəhidin valideynləri, icra hakimiyyətinin, Heydər Əliyev Mərkəzinin nümayəndələri, Cümə məscidinin axundu Hacı Rauf və məktəb direktorları iştirak ediblər. Burada qəhrəman şəhidimiz barədə məlumat verilib. Daha sonra 26 saylı məktəbin şagirdləri bədii kompozisiya təqdim edib, Vətən və qəhrəmanlıq haqqında şeirlər səsləndiriblər.
Abdulla Əhmədov 12 mart 2002-ci ildə Sumqayıt şəhərində anadan olub. Vətən müharibəsi zamanı Talış kəndinin azadlığı uğrunda gedən döyüşlərdə savaşıb. Düşmən mərmisinə tuş gələrək 2 oktyabr 2020-ci ildə şəhidlik zirvəsinə ucalıb.
Əhmədov ölümündən sonra "Vətən uğrunda" medalı ilə təltif edilib.
