Sumqayıtdan olan şəhid ailəsi qəzaya düşüb.
Sumqayit24.az xəbər verir ki, hadisə Cəbrayılda baş verib. Camal İsgəndərovun idarə etdiyi “Opel” markalı avtomobil idarəetmədən çıxaraq yol kənarına aşıb.
Qəza zamanı sürücü, onun anası Səkinə İsgəndərova, həyat yoldaşı Ramilə İsgəndərova, qızı İlkanə Lətifova və yaxın qohumları Aysaba adlı şəxs müxtəlif dərəcəli xəsarətlər alıblar.
Onlara ilkin yardım göstərdikdən sonra ambulator müalicə üçün evə buraxılıblar.
Qeyd edək ki, Camal İsgəndərovun qardaşı Mübariz İsgəndərov 1992-ci ildə Laçın uğrunda gedən döyüşlərdə şəhid olub.
Oğlu İsgəndərov İlkin Camal oğlu isə 44 günlük Vətən müharibəsi zamanı Füzuli rayon Cuvarlı kəndi istiqamətində şəhid olub.
Əlavə edək ki, ailə üzvləri M.İsgəndərovun Qubadlı rayon Hacılı kəndindəki asılan lövhəsini və şəhid olduğu yeri ziyarətə gedirdilər.
Faktla bağlı araşdırma aparılır.
