Bu gün sumqayıtlı şəhidlərin anım günüdür.
Sumqayit24.az xəbər verir ki, şəhid Zaur Ələsgərli 1995-ci il martın 5-də Sumqayıt şəhərində anadan olub.
Azərbaycan Ordusunun Su Altı Hücum (SAH) Xüsusi Təyinatlı Qüvvələrinin giziri olan Zaur Ələsgərli 2020-ci il sentyabrın 27-də başlayan İkinci Qarabağ müharibəsi zamanı Cəbrayılın, Füzulinin, Qubadlının və Xocavəndin azadlığı uğrunda gedən döyüşlərdə savaşıb. Oktyabrın 31-də Hadrutun azad edilməsi zamanı şəhid olub. Sumqayıt şəhərinin Şəhidlər xiyabanında dəfn olunub.
Prezident İlham Əliyevin Sərəncamlarına əsasən, Zaur Ələsgərli döyüş zamanı göstərdiyi şücaətlərə görə "Vətən uğrunda", "Cəbrayılın azad olunmasına görə", "Xocavəndin azad olunmasına görə", "Füzulinin azad olunmasına görə", "Qubadlının azad olunmasına görə", "Cəsur döyüşçü" medalları və "Qarabağ" ordeni ilə təltif olunub.
Həmçinin, Ruslan Rəcəbov da 1984-cü il avqustun 1-də Sumqayıtda anadan olub.
Azərbaycan Hərbi Dəniz Qüvvələrinin miçmanı olan Ruslan Rəcəbov 44 günlük Vətən müharibəsi zamanı Füzuli, Cəbrayıl, Xocavənd və Qubadlının azadlığı uğrunda gedən döyüşlərdə iştirak edib və oktyabrın 31-də Xocavənd istiqamətində döyüş tapşırığını yerinə yetirərkən qəhrəmancasına şəhid olub.
Prezident İlham Əliyevin Sərəncamlarına əsasən, Ruslan Rəcəbov göstərdiyi qəhrəmanlığa görə "Vətən uğrunda", "Cəbrayılın azad olunmasına görə", "Xocavəndin azad olunmasına görə", "Füzulinin azad olunmasına görə", "Qubadlının azad olunmasına görə" medalları və "Qarabağ" ordeni ilə təltif edilib.
