“Sunset” istirahət mərkəzində baş verən partlayış nəticəsində yaralanan kişinin vəziyyəti ağırdır. Sumqayıt24 bu barədə 31 avqust tarixində Report-a istinadən xəbər verir.
Xəsarət alan 3 nəfər dünən axşam saatlarında Nərimanov Tibb Mərkəzinin nəzdindəki Yanıq Mərkəzinə yerləşdirilib. Yaralı olan qadınlardan birinin bədən səthinin 45%-i, digərinin bədən səthinin 35-40%-i, kişinin bədən səthinin isə 60%-i yanıb. Onların müalicəsi reanimasiya şöbəsində davam edir. Hazırda iki qadının vəziyyəti stabil, kişinin vəziyyəti isə ağır stabil olaraq qiymətləndirilir.
