Sumqayıtda narkotik vasitənin təsiri altında avtomobili idarə edən sürücü saxlanılıb. Bu haqda bu gün, 5 may tarixində Daxili İşlər Nazirliyinə istinadən xəbər veririk.
Məlumata əsasən, sürücü kobud qayda pozuntuları etdiyi üçün polis əməkdaşları ona “saxla” əmri verib. Sürücü qaçmağa çalışsa da, polislər onu saxlaya biliblər. Tibbi müayinəyə cəlb edilən Tural Hüseynovun narkotik vasitələrin təsiri altında olduğu müəyyən edilib.
Məhkəmənin qərarı ilə Hüseynov 1 il müddətinə sürücülük hüququndan məhrum olunub və 15 gün inzibati qaydada həbs edilib.
