“Şuşa ili” çərçivəsində Sumqayıt Dövlət Universitetində sərgi keçirilib. Bu haqda bu gün, 20 aprel tarixində təhsil ocağına istinadən xəbər veririk.
Məlumata əsasən, sərgi Kimya və biologiya fakültəsinin foyesində təşkil edilib. Burada tələbələrin Şuşa şəhərinə həsr etdikləri rəsmlər nümayiş olunub.
Tədbirdə fakültənin dekanı, dosent Mahal Muradov çıxış edib. O, yaradılan əsərlərin hər birinin Şuşanın gözəlliyini əks etdirdiyini bildirib.
