"Təfəkkür" liseyində baş verən halla bağlı açıqlama verilib. Bu haqda bu gün, 11 fevral tarixində Bizim.Media məlumat yayıb.
“Müəllimə analıq məzuniyyətində olub müəyyən müddət və dərsdə iştirak etməyib. Onu bir müddət başqa müəllim əvəz edib. İndi isə müəllimə iş başına qayıdıb, amma valideynlər etiraz edərək əvəz edən müəllimin sinif rəhbəri olaraq qalmasını istəyiblər. Lakin müəllimə imtahan verərək yüksək balla həmin məktəbə və məktəblilərə sinif rəhbəri kimi təyin olunub. Bunu dəyişdirmək qeyri-mümkündür. Artıq uşaqlarla söhbət aparılaraq narazılıqlar aradan qaldırılıb. Uşaqlar qaldıqları yerdən tədris prosesinə davam edirlər. Heç bir problem yoxdur”- Sumqayıt Şəhər Təhsil İdarəsinin müdir müavini Ramin Abasov bildirib.
