Sumqayıt şəhəri Heydər Əliyev Mərkəzində “Qarabağa Dönüş” adlı sərgi təşkil olunub. Bu haqda deputat Emin Hacıyevin sosial şəbəkə hesabına istinadən xəbər veririk.
Burada Xidmət Sahələri üzrə Peşə Təhsil Mərkəzinin tələbələrinin əl işləri nümayiş olunub. Tələbələr Qarabağ xanlıqlarının obrazlarını yaradıb, “Dərzi” ixtisası üzrə təhsil alan gənclər 18 ədəd Qarabağ milli geyimi və əl işlərini, “Aşpaz” ixtisası üzrə təhsil alanlar isə Qarabağ mətbəxinə aid 36 növ xörək və şirniyyat növü hazırlayıblar.
Sərgidə “Kompüter operatoru”, “Bərbər”, “Vizajist”, “Manikürçü” ixtisası üzrə təhsil alan tələbələr, həmçinin mərkəzin rəssam-tələbələri çəkdikləri rəsmləri, rəqqas-tələbələr isə milli rəqsləri nümayiş ediblər.
