Sumqayıt şəhər 36 nömrəli məktəb qəzalı vəziyyətdədir. Bu haqda bu gün, 11 mart tarixində Sumqayıt24 oxucuların çoxsaylı müraciətlərinə əsasən xəbər verir.
Sözügedən təhsil ocağı 18-ci mikrorayon ərazisində yerləşir. Məktəb binasının həm fasadı, həm də daxili dağılmış vəziyyətdədir. Binanın pəncərələri kərpiclə hörülüb, həyətyanı sahədə isə asfalt ot örtüyü ilə bağlanıb. Bu səbəbdən, 2019-cu ildən həmin məktəb təmir işləri üçün bağlanıb. Lakin üstündən 3 ilə yaxın vaxt keçməsinə baxmayaraq, təhsil müəssisəsində heç bir işə başlanılmayıb.
36 nömrəli məktəbin müəllim və şagird heyəti şəhərin digər məktəbinə köçürülüb. Valideynlərin əksəriyyəti bu səbəbdən çətinliklə qarşılaşır. Məlumata görə, onlar öz vəsaitinə servis avtobusları tutmaq məcburiyyətindədirlər.
Bu məsələ ilə bağlı aldığımız məlumata əsasən, 36 nömrəli məktəbə illər öncə aidiyyəti qurum tərəfindən baxış keçirilib və onun qəzalı vəziyyətdə olması təsdiqlənib. Nəticədə məktəbin sökülüb yenidən tikilməsi nəzərdə tutulub. [modula id="11272"]
