Sumqayıt şəhər Təbiət Elmləri Təmayüllü Gimnaziyanın 75 illik yubileyi qeyd edib. Bu haqda bu gün, 11 iyun tarixində DünyaTV-yə istinadən xəbər veririk.
Tədbir Sumqayıt Dövlət Dram Teatrında keçirilib. Mərasim zamanı gimnaziyanın yubileyi münasibətilə bir neçə müəllimə Fəxri fərman, direktoru Nizami Əhmədova isə hədiyyə tədqim edilib.
Təbiət Elmləri Təmayüllü Gimnaziya 1946-1947-ci tədris ilində fəaliyyətə başlayıb. 1952-ci ildə indiki binasına köçürülüb, 1990-cı ildə isə gimnaziya statusu alıb. 2021-2022-ci tədris ilində imahanda iştirak edən 61 məzundan 39-u 600-dən çox bal toplayıb.
Yubiley tədbirində Sumqayıt şəhər İH başçısı Zakir Fərəcov, millət vəkilləri, təhsil nazirliyinin sektor müdiri Fuad Qarayev, Abşeron-Xızı Regional Təhsil İdarəsinin müdiri İlhamə Abdullayeva, gimnaziyanı müxtəlif illərdə bitirmiş məzunlar və təhsil işçiləri iştirak ediblər.
