Sumqayıtda təhsil ocağı dərsliklərlə təchiz olunmayıb. Sumqayıt24-ə bu barədə 22 noyabr tarixində izləyicilərdən məlumat daxil olub.
Söhbət 23 nömrəli tam orta məktəbdən gedir. Sözügedən təhsil müəssisəsinin 1-ci sinfinin rus bölməsinin şagirdlərinə rus dili dərsliyi verilməyib.
“Məktəbin rus bölməsi üzrə iki 1-ci sinif var. Hər sinifdə 36 şagird təhsil alır. Artıq noyabr ayıdır, amma kitablar hələ də verilməyib. Məktəbdən bildiriblər ki, kitabxanaya dərsliklər gəlmir. Necə olur ki, məktəblərdə kitab yoxdur, amma satışda var? Deməli məktəblərə verilən kitablar mağazalara ötürülür”, - deyə valideynlər söyləyiblər.
