Tağıyev qəsəbəsində minik avtomobili yük maşını ilə toqquşub. Hadisə nəticəsində ölən və yaralananlar var. Sumqayıt24 bu haqda, 1 mart tarixində APA-ya istinadən xəbər verir.
Məlumata əsasən, “Mercedes" markalı minik avtomobil "Shacman" markalı yük avtomobili ilə toqquşub. Minik avtomobilinin sürücüsü 67 yaşlı Əliş Adışov yerindəcə dünyasını dəyişib.
Həmin avtomobildə olan Sevinc Həsənova, Gülarə İsakova və Lətifə İsakova müxtəlif bədən xəsarətləri alıblar. Onlar Sumqayıt Şəhər Təcili Tibbi Yardım Xəstəxanasına yerləşdiriliblər. Digər sərnişin Şəhriyar İsakova isə tibbi yardım göstərilərək, ambulator müalicəyə buraxılıb.
Əliş Adışovun meyiti Məhkəmə Tibbi-Ekspertiza və Patoloji Anatomiya birliyinin Sumqayıt şəhər şöbəsinə yerləşdirilib.
Araşdırma aparılır.
