Sumqayıt şəhərində qadın övladı ilə birgə dənizdə batıb. Bu haqda bu gün, 18 iyul tarixində APA-ya istinadən xəbər veririk.
Hadisə Hacı Zeynalabdin Tağıyev qəsəbəsi yaxınlığında ("Sumqayıt" sularda xilasetmə məntəqəsindən kənarda, nəzarətsiz ərazi) baş verib. 31 yaşlı Fatma Kərimova 7 yaşlı Nicat Kərimovun suda batmasını görərək onu xilas etmək istəyib. Nəticədə hər ikisi boğularaq dünyasını dəyişib. Qadının meyiti dənizdə tapılaraq çıxarılıb, uşağın meyiti isə sahildə aşkar olunub.
