Təhsil naziri Sumqayıt şəhər 14 nömrəli məktəbdə direktorun müəllimlərə şalvar geyinməyi qadağan etməsinə münasibət bildirib. Sumqayıt24 bu haqda Oxu.az-a istinadən xəbər verir.
Nazir Emin Əmrullayev jurnalistlərə açıqlamasında bildirib ki, bununla bağlı Nazirliyin müvafiq qərarı var: “Nazirliyin bununla bağlı açıq mövqeyi var. Amma ümumtəhsil məktəbləri səviyyəsində məktəb direktorları məsələni tənzimləməlidir. Bu və digər mövzular haqqında müəllimlər və direktor arasında fikir ayrılıqları ola bilər. Burada da belə fikir ayrılığı olmuşdu və məsələ artıq həllini tapıb”, - deyə nazir vurğulayıb.
O, məktəblərdə həll olunacaq məsələlərin hər dəfə nazirlik səviyyəsinə qaldırıldığını qeyd edib.
Xatırladaq ki, sözügedən məktəbin direktoru Fatma Bayramovanın müəllimlərə ünvanladığı səs yazısındakı alçaldıcı danışıq tərzi müzakirələrə səbəb olmuşdur.
