Sumqayıt şəhər 26 saylı məktəbin direktoru olduğu bildirilən Arzu Şükürovanın rüşvət istəməsi ilə bağlı səs yazısı yayılıb. Sumqayıt24 bu haqda APA-ya istinadən xəbər verir.
Təhsil Şöbəsindən verilən məlumata görə, həmin məktəbə direktor təyin olunanadək sözügedən vəzifə müvəqqəti olaraq məktəbin sinifdənxaric və məktəbdənkənar işlər üzrə direktor müavininə həvalə edilib. Bildirilib ki, səs yazısı təsərrüfat işləri üzrə direktor müavininin texniki işçilərdən pul tələb etməsi ilə bağlıdır və buna görə o, vəzifəsindən azad edilib.
“Direktor vəzifəsinin həvaləsi isə direktor müavinindən geri götürülüb. Məktəbdə müəllim və şagirdlərdən heç bir vəsait tələb olunmayıb. Texniki işçilərdən pul tələb edilməsi ilə bağlı məlum səsyazısı məktəbin təsərrüfat işləri üzrə direktor müavininə aiddir", - deyə şöbədən bildirilib.
