Sumqayıtda "Karyera - Gələcəyini Layihələndir” mövzusunda təlim keçirilib. Sumqayıt24 bu barədə şəhərin Gənclər və İdman Baş İdarəsinə istinadən xəbər verir.
Sözügedən idarənin, Xidmət sahələri və Sənaye üzrə, eləcə də Yüksək Texnologiyalar üzrə Sumqayıt Dövlət Peşə Təhsil Mərkəzlərinin birgə təşkil etdiyi təlim iqtisadçı-ekspert Arzu Qafarlının təqdimatında baş tutub. Burada həmin mərkəzlərin müəllim və tələbə kollektivləri iştirak ediblər.
Təlimin məqsədi gənclərin karyera planlaması, peşə biliklərinə yiyələnməsi və asudə vaxtlarının səmərəli təşkilidir. Görüş zamanı müxtəlif mövzularda diskussiyalar aparılıb, maraqlı qrup çalışmaları təşkil edilib. Sonda iştirakçıları maraqlandıran suallar cavablandırılıb, aktiv gənclərə isə sertifikatlar təqdim olunub.
