Sumqayıtda “Tam Orta Məktəb” layihəsi uğurla davam edir.
Sumqayit24.az xəbər verir ki, Elm və Təhsil Nazirliyinin müvafiq əmrinə əsasən, Sumqayıt şəhəri 37 nömrəli məktəbi “Tam Orta Məktəb” layihəsi çərçivəsində fəaliyyətini 2025–2026-cı tədris ilində davam etdirəcək.
Bu məktəbdə yalnız Dövlət İmtahan Mərkəzinin (DİM) qəbul imtahanlarında 150 və daha yuxarı bal toplayan X və XI sinif şagirdləri təhsil alır.
Şagirdlərə yalnız seçdikləri ixtisas qrupuna uyğun fənlər tədris olunur. Məktəblilər əlavə hazırlıq olmadan imtahana tam hazırlıq imkanı qazanırlar. Şagirdlərin bilik və bacarıqları müntəzəm sınaq imtahanları və nailiyyət izləmə mexanizmi ilə daim izlənilir.
Layihədə iştirak etmək istəyənlər link vasitəsilə qeydiyyatdan keçə bilərlər.
