Sumqayıtdan olan tanınmış müğənni yolda epilepsiya tutması olan uşağa və ailəsinə yardım edib. Bu barədə 12 noyabr tarixində Olay.az-a istinadən xəbər veririk.
Hadisə yerində olan şəxs olanları belə şərh edib:
“Taksi gözləyirdim. Yolun kənarında bir maşın dayandı. Xanım və bəy maşından şok vəziyyətdə düşdülər. Qucaqlarında 5-6 yaşında oğlan uşağı var idi. Huşunu itirmiş uşağın rəngi ağarmış, ağzı köpüklənirdi. Valideynləri elə vəziyyətdə idilər ki, nə köməyə kimisə çağıra, nə də bir şey edə bilirdilər. Sadəcə uşağa baxırdılar. Tez onlara yaxınlaşdım, uşağın ağzını açıb dilini çıxartdım. Sonra yola qaçıb, bir maşın saxladım ki, uşağı xəstəxanaya çatdıraq. Təsəvvür edin ki, ata-ana elə şok vəziyyətdə idilər ki, bilmirdilər maşına minsinlər, ya yox. Mindilər. Yola düşdük. Uşaq özünə gəldi. Bu zaman başımı qaldırıb gördüm ki, Damla xanımın maşını imiş. Sürücüyə və Damla xanıma öz adımdan təşəkkür edirəm ki, bu hadisəyə biganə qalmadılar, insanlıq broclarını yüksək səviyyədə yerinə yetirdilər”.
