Sumqayıtda rəssamlarla səmimi görüş keçirilib. Bu barədə 30 yanvar tarixində Sumqayıt24 xəbər verir.
Görüş ehtiyatda olan zabit, Qarabağ qazisi, Əməkdar rəssam İntiqam Ağayevin emalatxanasında təşkil olunub. Burada Azərbaycan Mədəni irs Sənətkarlığına Dəstək və Kreativ Sənaye İB-nin sədri Aytən Həsənova, sənətşünaslıq üzrə fəlsəfə doktoru, sənətkar-rəssam Nəsibə Şükürova, "Buta Glass" şirkətinin rəhbəri Nahidə Həsənova, Sumqayıt xəstəxanasının həkim-travmatoloqu, rəssam Rəhim Həşimov və rəssam İqbal Həsənəlizadə iştirak ediblər.
Yığıncaqda öz orijinallığı və zərifliyi ilə diqqəti cəlb edən rəsm əsərlərinə baxış keçirilib. Rəssamın gələcək fəaliyyəti, perspektivləri ətrafında maraqlı söhbətlər aparılıb.
