Sumqayıtda məktəblilər məşhur şair Əli Ələmi ilə görüşüb. Sumqayıt24 bu haqda bu gün, 6 iyun tarixində Mədəniyyət Xəbərləri adlı Facebook səhifəsinə istinadən xəbər verir.
M.Ə. Rəsulzadə adına kitabxana filialında baş tutan tədbirdə 15 nömrəli məktəbin şagirdləri iştirak edib. Şair Əli Ələmi dahi mütəfəkkirlərin, elm və sənət xadimlərinin kitab, mütaliə haqqında dəyərli fikirlərindən sitatlar gətirib, kitabın insana verdiyi xeyirdən danışıb. Sonra isə müxtəlif mövzulu sualları cavablandırıb və oxuculara kitablarını hədiyyə edib.
Qeyd edək ki, Ələmi texnika elmləri üzrə fəlsəfə doktoru, Əməkdar mühəndis, AYB-nin, “Məclisi-şüara” və “Vahid” ədəbi məclislərinin üzvüdür. O, “Qızıl qələm” mükafatı və “Tərəqqi” medalının sahibidir.
