Ali Hərbi Məktəbin kursantı Vüsal Hüseynli məktəbdən kənarlaşdırılacaq. Bu haqda Sumqayıt24 Report-a istinadən xəbər verir.
Məlumata əsasən, kursant təyin olunan vaxtda hərbi təhsil müəssisəsinə qayıtmadığına görə, hadisənin təfərrüatları tam araşdırıldıqdan sonra, hərbi məktəbdən kənarlaşdırılacaq. Buna səbəb isə Hüseynlinin nizamnamə qaydalarını əsaslı səbəb olmadan pozmasıdır.
Kursantla aparılan söhbət zamanı məlum olub ki, onun yoxa çıxmasının səbəbi şəxsi intizamsızlıq, məsuliyyətsizlik və ailə məişət zəminində yaranmış problemlər idi.
Daha öncə, Sumqayıt şəhərində yaşayan Vüsal Hüseynli hərbi məktəbə gedən zaman itkin düşmüşdür.
