Sumqayıtda kişi narkotik maddənin təsiri altında məhkəməyə gəlib. Sumqayıt24 bu barədə 17 noyabr tarixində xəbər verir.
Hadisə bu gün Sumqayıt Məhkəmə Kompleksinin binasında baş verib.
Oxu.az-ın sorğusuna cavab olaraq Məhkəmə Kompleksindən bildirilib ki, həmin şəxsin səhər saatlarında məhkəmə prosesi keçirilməli idi:
“Lakin vətəndaş məhkəmə prosesinə gecikib və iştirak etməyib. Daha sonra o, Sumqayıt Şəhər Məhkəmə Kompleksinə xoş olmayan vəziyyətdə gəlib. Şəxs narkotik maddə istifadəçisidir, Cinayət Məcəlləsinin 234.1-ci maddəsi ilə məhkəmə prosesi olmalı idi. İlkin ehtimallara görə, narkotik maddənin təsiri altında məhkəmə binasına daxil olub. Şəxslə bağlı dərhal hüquq-mühafizə orqanlarına məlumat verilib. Ərazi üzrə polis əməkdaşları vətəndaşı bölməyə aparıblar. Faktla bağlı müvafiq tədbirlər görüləcək”.
