Sumqayıt şəhərinin Tarixi Muzeyində şəhid Elman Abbasovun xatirəsinə tədbir keçirilib. Bu haqda bu gün, 6 iyul tarixində Regional Mədəniyyət İdarəsinə istinadən xəbər veririk.
“Vətən mənə oğul dedi...” adlı mərasimə gələn qonaqlar Birinci Qarabağ müharibəsinin şəhidi haqqında xatirələrini bölüşüblər. Sonda tədbir iştirakçıları sumqayıtlı şəhid və qazilərin şəxsi əşyalarının nümayiş olunduğu sərgi ilə tanış olublar.
Tədbirdə muzeyin direktoru Aygün Zülfüqarlı, Respublikanın Əməkdar jurnalisti, şair-publisist Rafiq Oday, yazıçı-publisist Rəhilə Veysəlli, şair-jurnalist Aynurə Ulduz, 7 medalla təltif olunan Vətən müharibəsi iştirakçısı, şəhidin ailə üzvü Əli Ələkbərli, şəhidin atası Müslüm Abbasov və digər qonaqlar iştirak ediblər.
