Sumqayıtda Vətən müharibəsi şəhidinin ailəsi ziyarət edilib. Sumqayıt24 bu barədə 28 oktyabr tarixində Regional Mədəniyyət İdarəsinə istinadən xəbər verir.
Sumqayıtın Tarixi Muzeyinin nümayəndələri şəhid Orxan Rəhimlinin ailəsi ilə görüşüblər. Ziyarət zamanı kollektiv qəhrəmanın ailəsi ilə onun haqqında geniş söhbət aparıb, ailənin qayğıları ilə maraqlanıb, dəstək olmağa çalışıb. Sonda şəhidin ailəsi göstərilən diqqət və qayğıya görə ölkə başçısına və kollektivə minnətdarlığını bildirib.
Orxan “Laçının azad olunmasına görə” və “Füzulinin azad olunmasına görə” medalları ilə təltif edilib.
