1992-ci il fevralın 25-dən 26 keçən gecə keçmiş SSRİ-nin 366-cı alayının köməyi ilə Ermənistan silahlı qüvvələri tərəfindən Azərbaycanın Xocalı şəhərində soyqırım törədilib. Xocalı soyqırımı 1988-ci ildən başlamış Ermənistan-Azərbaycan, Dağlıq Qarabağ münaqişəsinin ən qanlı faciəsidir.
Ermənistan hücumda 10 tank, 16 zirehli transportyor, 9 piyada döyüş maşını istifadə etmişdir.
Xocalı faciəsində 63-ü uşaq ,106-sı qadın və 70-i qoca olmaqla, 613 nəfər həlak olmuş və 487 nəfər yaralanmışdır. 1275 Xocalı sakini əsir götürülmüş və 5379 nəfər daimi yaşayış yerlərini məcburi tərk etmişdir. 150 nəfərin (onlardan 68-i qadın, 26-sı uşaq olub) taleyi hələ də məlum deyil.
1994-cü ildə Milli Məclisin qərarına əsasən, 26 Fevral - Xocalı Soyqırımı Günü elan edilib. Hər il fevralın 26-sı saat 17.00-da Xocalı soyqırımı qurbanlarının xatirəsi yad edilir.
Ədəbiyyat:
