“İnsan alveri və qadın zorakılığına qarşı mübarizə” mövzusunda görüş keçirilib. Bu haqda bu gün, 14 aprel tarixində Sumqayıt şəhər Gənclər və İdman Baş İdarəsinə istinadən xəbər veririk.
Məlumata əsasən, tədbirdə Tibb kollecinin tələbələri iştirak ediblər. Maarifləndirici görüşü keçirməkdə əsas məqsəd insan hüquqları, xüsusilə də qadın hüquqlarının müdafiəsi istiqamətində gəncləri bilgiləndirməkdir. Görüşdə zorakılığa məruz qalmış qadınların mövcud vəziyyətdən çıxış yollarına dair fikirlər dinlənilib. Sonda gəncləri maraqlandıran suallar cavablandırılıb.
Tədbir Sumqayıt şəhər Gənclər və İdman Baş İdarəsi, Qadın Resurs Mərkəzi və Tibb Kollecinin birgə təşkilatçılığı ilə təşkil edilib.
