6 nömrəli Ailə Sağlamlıq Mərkəzində (ASM) "İnfeksiyaların profilaktikası və infeksion nəzarət haqqında təlimat" mövzusunda seminar keçirilib. Sumqayıt24 bu haqda 4 mart tarixində Sumqayıt Tibb Mərkəzinə (STM) istinadən xəbər verir.
Görüşdə tibb personalı iştirak edib. ASM-in baş həkimi Leyla Qafarova tibb müəssisələrində infeksiyalara nəzarət proqramının tərtib olunmasının vacibliyini vurğulayıb. Bildirib ki, İnfeksion Nəzarət Komitələrinin (İNK) yaradılması infeksiyaların zamanında aşkar olunması, əmələgəlmə səbəblərini aradan qaldıracaq standartların tərtib edilməsi, xəstələrdə, işçilərdə və ziyarətçilərdə yaranmasının qarşısının alınması profilaktikasıdır.
Ailə həkimi, terapevt Mühibalı Ağasiyev isə İNK-lərin yaradılma məqsədlərindən söz açıb.
Sonda iştirakçıları maraqlandıran suallar cavablandırılıb.
