Sumqayıtda yanvar ayı üzrə 59.449 vətəndaşa tibbi xidmət göstərilib. Sumqayıt24 bu haqda, bu gün 23 fevral tarixində İcbari Tibbi Sığorta üzrə Dövlət Agentliyinin saytına istinadən xəbər verir.
Ümumilikdə şəhərimizin tibbi ərazi bölmələrinə 102.709 müraciət daxil olub. Nəticədə, 192.011 xidmət göstərilib.
TƏB-də göstərilən tibbi xidmətlərə dair statistik göstəricini təqdim edirik:
Belə ki, müraciətlərin çoxu tibbi müayinə (hərbi xidmətə çağırılanların müayinəsi daxil olmaqla), tənəffüs sistemi xəstəlikləri, qan dövranı sistemi xəstəlikləri, endokrin sistemin xəstəlikləri, maddələr mübadiləsi və qidalanma pozuntusu, həzm sisteminin xəstəlikləri, sümük və əzələ sisteminin və birləşdirici toxumanın xəstəlikləri, sidik-cinsiyyət sisteminin xəstəlikləri, mamalıq və ginekologiya, sinir sistemi xəstəlikləri, zədələr və zəhərlənmələrlə bağlı olub.
Ən çox xidmət göstərmiş tibb müəssisəsi isə Sumqayıt Tibb Mərkəzidir (169.580).
1 yanvar 2021-ci il tarixində elan olunan rəsmi məlumata əsasən, Bakı və Sumqayıt TƏB-ləri üzrə qeydiyyatda olan əhalinin sayı 3 milyon 57.500-dür.
