Şağan Olimpiya Kompleksində baş verən qətl dələduzlara yol açıb. Sumqayıt24 bu barədə 29 noyabr tarixində Azxeber.com-a istinadən xəbər verir.
Sosial şəbəkələrdə geniş müzakirə mövzusuna çevrilən hadisə dələduzlar üçün yeni fürsət yaradıb. Bir qrup şəxs hadisədən təsirlənən sosial şəbəkə istifadəçilərinə mərhum Turan Rüstəmovun bacısı adı ilə yazaraq onlardan maddi yardımlar istəyirlər. Onlar Turanın ailəsinin imkanı olmadığını və bunun üçün yardımlar topladıqlarını bildirirlər.
Xatırladaq ki, 20 yaşlı Sumqayıt şəhər sakini Ruslan Səfixanovun şəxsi münasibətlər zəminində aralarında yaranan mübahisə zamanı 16 yaşlı Turan Rüstəmovu bıçaqlayaraq öldürülməsi haqda məlumat vermişdik.
