Yenilənib saat 16:00
İstanbulda baş vermiş atışma nəticəsində yaralanan aktyor Kamran Dadaşzadə dünyasını dəyişib. Bu haqda bu gün, 25 may tarixində Lent.az-a istinadən xəbər veririk.
Məlumata əsasən, başından güllə yarası alan Kamran Dadaşzadə İstanbul Cərrah Paşa xəstəxanasında vəfat edib.
Aktyor İstanbulun Silivri məzarlığında dəfn ediləcək.
--------------------------------------------------------------------------------------------------
Saat 12:23
Başından güllə yarası alan sumqayıtlı aktyor sağdır. Sumqayıt24 bu haqda 25 may tarixində Lent.az-a istinadən xəbər verir.
Xəbər verdiyimiz kimi, aktyor Kamran Dadaşzadə İstanbul şəhərində əli silahlı iki qrup şəxs arasında baş vermiş atışma zamanı xəsarət alıb. Onun ailə dostu, Türkiyədə fəaliyyət göstərən Azərbaycan Təhsil və Mədəniyyət Dərnəyinin rəhbəri yazıçı Aygün Həsənoğlu onun ölümü ilə bağlı yayılmış xəbərlərə aydınlıq gətirib.
Aygün xanımın sözlərinə görə, Dadaşzadə hazırda Cərrah Paşa xəstəxanasının reanimasiya şöbəsindədir: “Ailəsi bizə bildirib ki, Kamran Dadaşzadənin beyin ölümü gerçəkləşib. O, hazırda cihaza bağlı vəziyyətdədir. Həkimlər son ümid kimi bir dərmandan istifadə ediblər. Bu gün dərmana reaksiya verib-verməyəcəyi məlum olacaq. Reaksiya verərsə, onun yaşayacağına ümid yaranacaq. Möcüzə gözləyirik”.
