Bu gün Vətən müharibəsi şəhidi Səlimxan Bayramovun doğum günüdür. O, 13 iyul 1998-ci ildə Sumqayıtda anadan olub.
Səlimxan orta təhsilini 3 nömrəli məktəbdə, ali təhsilini isə Gürcüstan Dövlət Texniki Universitetində alıb. Müharibə zamanı Cəbrayıl, Xocavənd rayonlarında gedən döyüşlərdə şücaət göstərib. Məlumata görə, döyüş yoldaşları ilə birlikdə tutduğu erməni postuna doğma şəhəri Sumqayıtın adını verib. O, 19 oktyabr 2020-ci ildə qəhrəmancasına şəhid olub.
Ölümündən sonra "Cəsur döyüşçü", "Vətən uğrunda" və "Füzulinin azad olunmasına görə" medalları ilə təltif olunub.
