Ceyranbatan qəsəbə Uşaq İncəsənət Məktəbində ustad dərsi keçirilib. Bu haqda 18 iyun tarixində sosial şəbəkələrə istinadən xəbər veririk.
Dərs sözegedən məktəbin məzunu, Dünya Akkordeon Konfederasiyasının ölkəmizdəki nümayəndəsi, beynəlxalq münsif üzvü, körüklü alətlər arasında dünyada ilk dəfə təzadlı polifoniyanın müəllifi Sübhan Köçərli tərəfindən keçirilib.
Burada Bakı xoreoqrafiya akademiyasının 1-ci kurs tələbəsi Rəşidə Ağayeva və Ceyranbatan qəsəbə Uşaq İncəsənət məktəbinin qarmon ixtisası üzrə 4-cü sinif şagirdi Ülvi Seyfullazadə iştirak ediblər. Azərbaycan qarmonuna xüsusi marağı olan Anadolu universitetinin iqtisad və idarə elmləri fakültəsinin dekanı, iqtisadi inkişaf və dövlətlərarası iqtisad eksperti, professor Funda Rana Adaçayın da şəxsi təşəbbüsü ilə tədbirə qatılıb
