Sumqayıtda tibb ilə bağlı təlim və simulyasiya mərkəzi yaradılacaq. Sumqayıt24 bu haqda 21 iyun tarixində Report.az-a istinadən xəbər verir.
Ümumdünya Səhiyyə Təşkilatının (ÜST) Azərbaycandakı Nümayəndəliyi və ABŞ Beynəlxalq İnkişaf Agentliyi (USAID) yeni layihəyə start verib. “Azərbaycanda Təcili Tibbi Yardım və İnfeksiyaların Qarşısının alınması və Nəzarət Sistemlərinin Gücləndirilməsi” adlı layihə ölkədə təcili tibbi yardımın və infeksiyanın qarşısının alınması və nəzarət sistemlərinin təkmilləşdirilməsinə yönəlib. Dəyəri 3,35 milyon dollar olan proyekt USAID-in tərəfindən maliyyələşdirilir.
Layihə çərçivəsində şəhərimizdə müvafiq təlim və simulyasiya mərkəzinin əsası qoyulacaq. Bundan əlavə Səhiyyə Nazirliyi, İcbari Tibbi Sığorta üzrə Dövlət Agentliyi, Tibbi Ərazi Bölmələrini İdarəetmə Birliyi (TƏBİB) və Azərbaycan Tibb Universitetinə dəstək göstəriləcək.
