2025–2026-cı tədris ili üzrə birinci sinfə şagirdlərin elektron qeydiyyatı prosesi çərçivəsində məktəbəqəbul.edu.az portalında Azərbaycan bölməsi üzrə məktəb və müəllim seçimi prosesinin vaxtı dəyişdirilib.
Sumqayit24.az xəbər verir ki, bu barədə Məktəbəqədər və Ümumi Təhsil üzrə Dövlət Agentliyi (MÜTDA) məlumat yayıb.
Bildirilib ki, Azərbaycan bölməsi üzrə məktəb və müəllim seçimi mayın 6-da saat 15:00-da aktivləşəcək.
Rus bölməsi üzrə müsahibəyə yazılma prosesinə isə mayın 6-da saat 11:00-da start veriləcək.
"Valideynlərdən və qanuni nümayəndələrdən portalda aparılan yenilikləri diqqətlə izləmələri və göstərilən tarixlərə uyğun şəkildə qeydiyyat prosesində iştirak etmələri xahiş olunur", - məlumatda qeyd olunub.
