Vətən Müharibəsi qəhrəmanı YAP Sumqayıt şəhər təşkilatına müraciət edib. Sumqayıt24 bu barədə 27 iyul tarixində İkisahil.az-a istinadən xəbər verir.
YAP İdarə Heyətinin üzvü, Sumqayıt şəhər təşkilatının sədri Ramiz Hüseynov partiyaya qoşulmaq istəyən Vüsal Yaqubovla görüşüb. Sədr müharibə zamanı göstərdiyi şücaətə görə ona təşəkkür edib.
Qeyd edək ki, Vusal müharibə zamanı Cəbrayılın, Füzulinin və Şuşanın azadlığı uğrunda gedən döyüşlərdə savaşıb. Xüsusi xidmətlərinə və göstərdiyi qəhrəmanlıq nümunəsinə görə ona "Vətən Müharibəsi Qəhrəmanı" adı verilib. Bundan əlavə o, "Cəbrayılın azad olunmasına görə", "Füzulinin azad olunmasına görə" və "Şuşanın azad olunmasına görə" medalları ilə də təltif edilib.
