Anar Şükürovun ailəsi S.Vurğun adına Mərkəzi Kitabxananın Uşaq Şöbəsinin əməkdaşları və sinif yoldaşları tərəfindən ziyarət olunub. Bu haqda bu gün, 19 may tarixində Sumqayıt Regional Mədəniyyət İdarəsinin Facebook səhifəsinə istinadən xəbər veririk.
Anar Şükürov 1977-ci il yanvar ayının 20-də Sumqayıt şəhərində anadan olub. Vətən Müharibəsi başlayanda təqaüddə olsa da, döyüşə könüllü şəkildə yollanıb.
Anar Şükürov ölümündən sonra "Vətən Müharibəsi Qəhrəmanı, "Vətən uğrunda" və "Suqovuşanın azad olunmasına görə" medalı ilə təltif olunub.
Qeyd edək ki, Sumqayıt şəhəri 25 nömrəli tam orta məktəb Anar Mehman oğlu Şükürovun adını daşıyır. Eyni zamanda Binəqədi rayonu 6-cı mikrorayonda küçəyə şəhidimizin adı verilib.
